Tune - "Deil tak the Wars."
I.
Sleep'st thou, or wak'st thou, fairest creature?
Rosy Morn now lifts his eye,
Numbering ilka bud which nature
Waters wi' the tears o' joy:
Now through the leafy woods,
And by the reeking floods,
Wild nature's tenants freely, gladly stray;
The lintwhite in his bower
Chants o'er the breathing flower;
The lav'rock to the sky
Ascends wi' sangs o' joy,
While the sun and thou arise to bless the day.
II.
Phoebus gilding the brow o' morning,
Banishes ilk darksome shade,
Nature gladdening and adorning;
Such to me my lovely maid.
When absent frae my fair,
The murky shades o' care
With starless gloom o'ercast my sullen sky;
But when, in beauty's light,
She meets my ravish'd sight,
When thro' my very heart
Her beaming glories dart -
'Tis then I wake to life, to light, and joy.